Archive for Febreiro, 2010

Ruth Matilda Anderson: Unha mirada de antano

A fotógrafa estadounidense Ruth Matilda Anderson percorreu Galicia, en dúas viaxes, entre 1924 e 1928 tirando unhas fotografías fermosas e suxerentes que hoxe podemos mirar na exposición organizada pola Fundación Caixa Galicia: “Unha mirada de antano”, que viaxa por distintas cidades galegas.

Anderson tirou máis de 5.000 fotos para un traballo encargado pola Hispanic Society de Nova York. Na exposición, dependendo do espazo dos locais, poderanse ver entre 160 e 439 fotos. É un excelente documento etnográfico, ao que hai que sumar as virtudes estéticas das imaxes.

As fotos amósanos unha Galicia de agricultores e pescadores que loitan tódolos días por sobrevivir. As mulleres teñen un papel protagonista: elas portan enormes cestas, maletas e bidóns de leite. Elas venden os pouco excedentes agrarios e traballan na casa e nas leiras. Os homes pescan, preparan a pedra e serran os piñeiros.

Deixou constancia de como as peixeiras cargaban a súa mercadoría na cabeza dente o porto ata o mercado, de coma o toxo, daquela un importante recurso madeireiro, estaba presente en todos os postos da praza da Leña de Pontevedra, ou de como a Compostela dos estudantes e a choiva non era tan distinta hai oitenta anos, un tempo no que xa en Vigo había debates nacionalistas e independentistas.

Nas fotos vemos ás persoas, pero tamén as rúas e as casas. Casas burguesas de luxo nas cidades que contrastan coa miseria da maioría das casas e pallozas campesiñas. Tamén aparecen as feiras, eses mercados rurais onde buscar unn poucos cartos cos que mercar roupa ou pagar os trabucos, e as romarías, onde a pesar de todo, a xente se divirte.

Presentación en Flickr

Deixar un comentario

Caderno escolar de 1954

Grazas á amabilidade de Jesús Carballo, o alumno nº 21, contamos no Museo cunha copia do seu caderno escolar do ano 1954. En concreto, o caderno comeza no mes de marzo de 1954 e remata o 28 de setembro de 1954. A derradeira anotación do curso 1953-1954 data do 10 de xullo, comezando o novo curso o 22 de setembro de 1954. Neste fermoso caderno á primeira vista destaca a presentación, cunha letra perfecta e uns debuxos entrañables.

O contido dos cadernos, como corresponde á época, son moi variados. Non hai unha división por materias, senón que os exercicios, todos encabezados pola data e o título e asinados polo alumno, se suceden de forma continúa. Entre eles destacan os ditados e os exercicios gramaticais, os problemas matemáticos, as descricións de elementos da natureza, as redaccións e copia de poemas, a Historia, a Xeografía, a Relixión e a Formación do Espírito Nacional.

Como curiosidade podemos citar o emprego do galego nun poema titulado ‘Galicia’: “Un carballo nun outeiro /un-as pedras; un cruceiro // Platea a lua un sendeiro,/ donde un carro cantadeiro,/ vai camiñando, cargado / con toxo, baixo o luar // Muxen as vacas cansadas; / canta un vello un alalá; /sona lonxe un aturuxo, /grito nostálgico e bruxo /da céltiga hispanidá. // Silva na irexa a curuxa /pasa un-a vella rezando / e o río vai camiñando /entraquesta terra bruxa /qua de levalo a pasiños, /entre a queixume dos pinos, /a profundidá d’o mar. // E o carro sigue cantando: // a vella sigue rezando, /e os mozos aturuxando / mentras os grilos rechinan / nos campos, baixo o luar.

A finalidade da escola franquista apreciámolo no comezo do curso 1954-1955:

“Hoy ha comenzado en Curso Escolar en la Escuela Nueva. Es un local bastante grande y antes de entrar lo vino bendicir el Sr Cura . (…)

El trabajo vá a ser más duro, pero así será más provechoso, y podremos servir mejos a Nuestra Patria y ganar el cielo después de la muerte”.

Deixar un comentario

Orgullos@s do galego

Deixar un comentario